شعر: عبد العزيز المسلّم

زهور الشَّبَابْ

ت + ت - الحجم الطبيعي

سِنِيْنِيْ تِوَدِّعْ زِهُوْر الشَّبَابْ

                        وَ انَا فِيْ بِسَاتِيْن قَلْبِيْ زِهُوْر..!!

و لا اظِنّ بِالشَّيْب لِلرَّاسْ عَابْ

                        مَعْ الْوَقْت زَادْ الأمَلْ بِالْحِضُوْر

رِسَمْت الأمَانِيْ بِلَيَّا عِتَابْ

                         وْ حَقَّقْت مَا رَيْت فِيْه الْسِّرُوْر

صِدِيْق الْقَلَمْ.. وِالْوَرَقْ لِيْ صِحَابْ

                       لِزِيْم الْحِرُوْف بْفِضَاهَا أدُوْر

وْ بِالْجِدّ خَطَّيْت وِدِّيْ كِتَابْ

                      طِرِيْقِيْ مِشَيْتِهْ بقَلْبٍ طِهُوْر

وْ بَيْتِيْ كِرِيْم ٍ وْ لِلْخَيْر بَابْ

                      نِجُوْد وْ يِجُوْد الرِّضَا بِالْحِبُوْر

عَنْ الشَّرّ عِمْرِيْ تِنَحَّى وْ طَابْ

                       خِصِيْم الزَّلَلْ وِ الْخَنَا وِ الْغِرُوْر

تَعَلَّقْ فِوَادِيْ بِدُوْن اغْتِرَابْ

                       بِحِبٍ أصِيْل ٍ بِهْ الحِبّ نُوْر

حَبِيْبِيْ الهِيْ.. بِكْ الْقَلْب ذَابْ

                       وَ اَنا فِيْ مَحَبَّتْك رَبِّيْ فِخُوْر

Email