زَحْمَةْ مِشَاعِرْ

إشْتِقْت لِكْ وَيْن انْت يَا ضَيّ عَيْنِيْ..؟!

إشْتِقْت لِكْ وَاشْوَاقْ قَلْبِيْ تِنَادِيْك

 

بَيْن الضِّلُوْع تْزَاحِمَتْ بِالْحِنِيْنِيْ

مِشَاعِريْ هَاجَتْ بِحِبِّكْ.. تِلَبِّيْك

 

تَعَالْ قِلْ لِيْ... بِالْجِفَا... تِبْتِلِينْيْ

قِلْ مِنْ اللَّى مَاخِذِكْ.. مِنْ مِسَلِّيْك؟

 

أنشِدْك بَايَّامٍ مِضَتْ مِنْ سِنِيْنِيْ

وِبْجَاهْ.. رَبّك وِبْضِمِيْرٍ يِمَلِّيْك

 

وِبْذِكْرِيَاتْ الْحِبّ.. بَيْنِكْ.. وْبَيْنِيْ

هُوْ رَاضِيٍ قَلْبِكْ وْ شَوْقِكْ مْخَلِّيْك

 

هُوْ طَابْ قَلْبِكْ وِاكْتِفَى مَا تَبِيْنِيْ

وِالاّ ظِرُوْفٍ مِنْ قِسَاهَا تِقَسِّيْك..؟

 

شِفْنِيْ عَلَى كَثْرَةْ ظِرُوْفٍ تِجِيْنِيْ

فِقَدْت بُوْيِهْ فِيْ حَيَاتِيْ.. وَانَا ابِيْك..!