بَوْح الدِّمُوْع

لَيْه تِسْأَلْ وِشْ كِثِرْ شَوْقِيْ إِلَيْك..؟!

وِانْت تَدْرِيْ إِنِّيْ فِيْ حِبِّكْ قِنُوْع

 

أيْه تِوَلَّهْت لْمِشَاهَدْ نَاظِرَيْك

وِايْه بِكَيْتِكْ لَيْن بَيَّحْت الدِّمُوْع

 

مَا شِكَيْتِكْ لِلْهِوَى خَايِفْ عَلَيْك..!!

فِيْ سِجِنْ صَدْرِيْ تِضَايِقْك الضِّلُوْع

 

ضَمِّتِكْ رُوْحِيْ وْبَاسَتْ لِكْ يِدَيْك

وْشَالِكْ الْخَفَّاقْ مِنْ دُوْن الْجِمُوْع

 

مَا تِمَنَّى بْغَيْبِتِكْ إِلاَّ.. يِجِيْك..!!

مَا شِبَعْك وْمَا بغَى يِلْحَقْه جُوْع

 

وَايْه جَاعِكْ دُوْن تَدْرِيْ وِشْ عَلَيْك..؟!

طَبْعِكْ الْقَاسِيْ مْحَوِّلْك لْـــ(قِطُوْع)

 

كَمْ خِذَيْت مْن الْعِمِرْ وَانَا احْتتِرِيْك

وْكَمّ أدْعِيْ بِالسِّجُوْد وْبِالرِّكُوْع

 

جِيْت شَايِلْ قَلْب خَانَتْ بِهْ يِدَيْك..!!

وْلا أبِيْك الْحِيْن تَطْرِيْ لِيْ رِجُوْع

 

لاَ تِعَوِّدْ.. لاَ تِجِيْ.. مَا عَادْ أَبِيْك

نُوْرِكْ بْجَوْفِيْ طِفَى مَا لِهْ سِطُوْع

 

وِانْ تبِيْهَا جَدّ.. مِتْوَلِّهْ عَلَيْك..!!

قَلْب حَبِّكْ حِيْلِتِهْ.. بَسّ الدِّمُوْع

 

تابعوا فكر وفن من البيان عبر غوغل نيوز