شعر: مشعل الزعبي
حِضُوْر السِّحَابْ
ت + ت - الحجم الطبيعي
جَتْنِيْ وْجَتْ مَعْهَا ابتسامات السِّرُوْر
فِرْصَةْ عِمِرْ.. كِنْت آتَحَرَّاهَا عِمِرْ
آضِمّهَا.. وَاقول لِلَّيْل بْغِرُوْر
عِنْدِكْ قِمَرْ؟.. وَانَا بَعَدْ عِنْدِيْ قِمَرْ
حِزْن وْسَهَرْ وِشْهُوْر تِتْبَعْهَا شِهُوْر
وَانَا انْتِظِرْ عَلَى أحَرّ مْن الْجَمِرْ
وْمَا يَبْرِيْ جْرُوْح الْغِيَابْ.. إلاَّ حِضُوْر
يشَابِهْ حْضُوْر السَّحَابْ الْمِنْهِمِرْ
جَتْنِيْ بِكَامِلْ سِحْرها: شَكْل وْشِعُوْر
فِتْنِهْ.. تِخَلِّيْ الْقَلْب يِبْدِيْ مَا ضِمَرْ
قِوَامْهَا: جَنِّهْ مِنْ اعْنَابْ وْزِهُوْر
تِمْلا ثِيَابِكْ عِطِرْ.. وِايْدَيْنِكْ ثِمَرْ..!!