شعر: نجوم المخينية
ليال البِنّ
مِنْ غَيري اليوم مَعْ ضوّ القمَرْ ساهِرْ
ما ذاقت الحِبّ مِثْلي ظَنِّيْ بْنَيِّهْ
يقول: هاتي يمينك، قِلْت له: حاضِرْ
ما احْلَى السَّهرْ والليالي شِبْه بِنِيِّهْ
هات الخبَرْ مِدّ وَصْلِكْ يا هوَى الخاطِرْ
وِاكْتِبْ صدوق المشاعِرْ مِنْ صفا نِيِّهْ
وِاتْركْ بقايا السَّهَرْ والشَّوْق لَى عابِرْ
وْمَرْجِحْ قليبي معاك بْكِلّ حِنِّيِّهْ
اللَّيْل وَلَّى وْقَلْبِيْ يِنْتِظِرْ بَاكِرْ
وانا براسي قصيد وْألْف جِنِّيِّهْ
تمْطِرْ حروفي جَمِرْ أوَّاهْ يَا سَاتِرْ
جِمْرٍ يولِّعْ حَشَا جَوْفِيْ مِنْ هْنَيِّهْ
يا اللَّى عَلَى كِلّ شَيٍ بالحَشَا تامِرْ
ضاعت علومي وَاحِسّ الرُّوْح مضْنِيِّهْ
لا بارك اللّه بك يا حَظِّيْ العاثِرْ
خَلَّيْتِنيِْ بَيْن ذِيْك وْذِيّ مَنْسِيِّهْ..!!
