مريض الْحَسَدْ - البيان

مريض الْحَسَدْ

ما اشُوف فيْ هَالْحَيَاةْ أسْرَارْ مَجْهُوْله

صَدِّقْ بعَيْنِكْ رؤى عَقْلِكْ مفَسِّرْهَا

 

كل المسائل تِجِيْك وْهِيْه مَحْلوله

بِقْشورها برتقاله وِانْت قَشِّرْهَا

 

أحْلام كانت بلا آمال مَقْتُوْله

أحْيَيْتها يَوْم قِلْت اللّهْ يْيَسِّرْهَا

 

تِفَتَّحَتْ لِيْ كثير أبواب مَقْفُوْله

قَدَّمْ مِفَاتِيْحها من كان يَنْكِرْهَا

 

أعْرِفْ مريض الْحِسَدْ قَبْل أسْتِمِعْ قَوْله

لو مَا ابْتِسَمْ شِفْت نِيْبَانه مْكَشِّرْهَا..!!

 

يا طِيْب نَفْس الرَّجِلْ إنْ جات مَجْبُوْله

على كَرَمْ نَفْسها وْيَا حَيّ نَاظِرْهَا

 

طباعة Email
تعليقات

تعليقات