العد التنازلي لإكسبو 2020 دبي

    أجْمَلْ جَمِيْلِةْ

    أجْمَلْ بَنَاتْ الأرْض وِاللَّى عَلَيْهَا

    صَارَتْ تَحَتْهَا بَعْد مَا هِيْ عَلَيْهَا

     

    اللَّى غَلاهَا مِنْ غَلا وَالِدَيْنِيْ

    وِاللَّى غَلاَتِيْ مِنْ غَلاَ وَالِدَيْهَا

     

    رَاحَتْ وْرَوْحَتْهَا مَهِيْب أيّ رَوْحه

    هِيْ رَوَّحَتْ عَنِّيْ وَانَا (رِحْت فِيْهَا)..!!

     

    الْمَوْت.. خَذْهَا الْمَوْت.. وَاسْتَغْفِرْ اللّه

    كِلْ مَا خِتَمْنَا أحْزَانِنَا يِبْتِدِيْهَا

     

    لَوْ هُوْ فِرَاقْ الْحَيّ واللّه وَاللّه

    لاَدْعَسْ عَلَى كَرَامِتِيْ.. وَارْتِجِيْهَا

     

    لكِنْ فِرَاقْ الْمَوْت مَا فِيْه رَجْعه

    يَا رَبّ تَرْضِيْ نْفُوْسنا وتْهَدِيْهَا

     

    مِنْ عِقْبَهَا كِلْ شَيّ حَوْلِيْ تِغَيَّرْ

    اللَّى الْحِسِنْ مِنْهَا وْفِيْهَا وَالِيْهَا

     

    حَتَّى التِّرَابْ اللَّى يقَبِّلْ قِدَمْهَا

    الْيَوْم صَارَتْ تَحْتِهْ وْيِعْتِلِيْهَا

     

    يَا لَيْت مَا لِيْ قَلْب يَذْكِرْ غَلاَهَا

    وْيَا لَيْت مَا فِيْ عَايِلَتْنَا سِمِيْهَا

     

    عِزَايْ.. إنّ اللّه حِسَنْ خَاتِمَتْهَا

    رَاحَتْ وْمِصْحَفْهَا الْكريم فْــ.. يِدَيْهَا

     

    هذي هِيْ الدِّنْيَا وْهذَا سَنَعْهَا

    مَا تَاخِذْ إلاَّ الحاجه اللَّى نَبِيْهَا

     

    إنْ اللّه أحْيَانِيْ وِانْ اللّه رِزَقْنِيْ

    وَاللّه لاَسَمِّيْ اوَّلْ بَنَاتِيْ عَلَيْهَا

     

    طباعة Email