#هلا_بالصين - الأسبوع الإماراتي الصيني

شعر: سيـف السّعـدي

صَلاةْ الْفَجِرْ

لو تِعْلَمْ أنّ السَّعَاِهْ بْمِجْمَلْ ألْوَانها

                          ما شَابَهَتْ رِكْعِتَيْنِكْ في (صَلاةْ الْفَجِرْ)

ما طِعْت لاِبْلِيْس فِيْ يَوْمٍ بِتِرْكَانها

                         سِعَيْت لاَجْمَلْ سَعَادِهْ وِاكْتِسَبْت الأجِرْ

يا بَخْت من هُوْ يصَلِّيْهَا بِمِيْحَانها

                         لْهَا عَنْ الفاحشه نَهْيٍ وْ فِيْهَا زَجِرْ

والخَيْر وِالنُّوْر فِيْ آيَاتْ قُرْآنها

                         تَنْزِلْ عَلَيْك السِّكِيْنِهْ وْلا يْغَزِيْك الدِّجَرْ

إلْجَأْ إلَى اللّه مِنْ نَفْسِكْ وْشَيْطَانها

                         لَى كِنْت تَبْغِيْ تِعِيْش بْلاَ هُمُوْم وْ ضِجَرْ

يِفْتَحْ لِكْ قْلُوْب خَلْق اللَّه وْبِيْبَانها

                          وِيْظَلِّلِكْ يَوْم لا ظِلٍ وْ لا مِنْ شِجَرْ

الْبَاسِطْ القَابِضْ الْعَادِلْ بِمِيْزَانها

                          رَحْمه يَلَى مِنْ عِطَى وْرَحْمه يَلَى مِنْ حِجَرْ

رَبٍ لِهْ الْمُلْك والْهَيْبه وْ سِلْطانها

                          مِنْ خَشْيِتِهْ يِنْفِجِرْ بِالدَّمْع قَلْب الْحَجَرْ

اللَّى مِنْ المُعْصِرَاتْ مْغِيْث قِيْعَانها

                           حَتّى اكْتِسَتْ سِنْدِسْ الْجَنَّاتْ (مِدْن) وْ(هِجَرْ)

يَنْجُوْ بِنَفْسِهْ مِنْ الآثَامْ وَادْرَانها

                           مِنْ لِلْمَعَاصِيْ وْ دُرُوْب الشِّرْك حَامْ وْ هِجَرْ

مَا يِنْفَعْ النَّفْس غَيْر الْبِرّ فِيْ ايْمَانها

                           إنْ كَانها مِنْ (عَرَبْ) أوْ مِنْ (عَجَمْ) أوْ (غَجَرْ)

مَا تِرْفَعْ النَّاسْ يَوْم الدِّيْن جِدَّانها!!

                           يِرْقَى إلَى الْخِلْد عَبْدٍ بِالنِّعَمْ مَا فِجَرْ

تعليقات

تعليقات