شعر: محمد عوض المطيري

تَمَيُّزْ

قَلْبِيْ وِطَنْ وِضْلُوْعِيْ الْحِدْب حِرَّاسْ

                                  وِالشَّوْق وِاللَّهْفه وَانَا فِيْ انْتِظَارِكْ

إقْلِطْ يِمَيِّزْك الْغَلا بَيْن هَالنَّاسْ

                                   مَا قِدْمِكْ إلاَّ هَلْك وِالدَّارْ دَارِكْ

لاَ تِرْبِكِكْ يَا مْذَيَّرْ الطّبْع الاقْوَاسْ

                                 هذي ضِلُوْعِيْ قِوِّسَتْ مِنْ وِقَارِكْ..!!

وِالْبِسْ قِصِيْدِيْ عِقْد فَيْرُوْز وَالْمَاسْ

                                 وِامْزِجْ بِرِيْقه وِالْبِيَاضْ وْشِقَارِكْ

وْهَاكْ الثِّنَيْن اللَّى عَلَى الدّمْث جِلاَّسْ

                                 وْهَاكْ السِّهَامْ وْلَيْلِهِنْ فِيْ نَهَارِكْ

إِنِّكْ مِشَارِكْنِيْ بِقَلْبِيْ وْالاِحْسَاسْ

                                يَا لَيْت لَوْ فِيْ كِلّ شَيّ نْتِشَارَكْ

طباعة Email
تعليقات

تعليقات