شعر: أم اليازية
فَخْــر الْعَــرَبْ
نَامُوْسكم يَا (آل مَكْتُوْم)
عَلَى الْمَرَاكِزْ الاوِّلِيِّهْ
(ثَنْدَرْ سِنَوْ) وِالْكَاسْ مَحْسُوْم
لـِ (دْبَيّ) رَمْز الْعَالَمِيِّهْ
وِ(مْحَمَّدْ الْمَكْتُوْم) قَيْدُوْم
فَخْر الْعَرَبْ راعِيْ الْحِمِيِّهْ
يَا ذِخْرِنَا يَا سَيِّدْ الْقَوْم
يا عِزِّنَا فِيْ كِلّ حِيِّهْ
حَاكِمْ حِكِيْم الرَّايْ.. شَغْمُوْم
بِالْعَدل تَحْكِمْ فِيْ الرِّعِيِّهْ
أسْمِكْ سِمَا بَافْعَالْ وِعْلُوْم
يَا شَيْخ.. وِكْفُوْفِكْ نِدِيِّهْ
نَظْرَةْ عِيُوْنِكْ تَرْمِيْ سْهُوْم
وِتْصِيْب الاهْدَافْ الْخِفِيِّهْ
قَدْرِكْ كِبِيْر وْفَوْق لِخْشُوْم
مَحْفُوْظ مِنْ رَبّ الْبِرِيِّهْ
وَاغْلَى التَّهَانِيْ دَوْم.. كِلْ يَوْم
آزِفّهَا مِنِّيْ.. هِدِيِّهْ