الشَّوْق جَاوَبْتِهْ مِنْ ادْنَايْ لاقْصَايْ
وِالصَّدْر ضَاقْ بْضِيْقِتِهْ وِانْشِرَاحه
أمْشِيْ وْخِلِّيْ خَالَفْ لْدَرْب مَمْشَايْ
حِكْم الْقِدَرْ لاَ مِنْ بِغَيْت الصَّرَاحه
الْحِزن غَنَّيْتِهْ مَعْ بَحَّةْ النَّايْ
وِاللَّيْل مَا اعْطَى لِلْمِحِبِّيْن رَاحه
سِرَيْت مَا ادْرِيْ وَيْن أوْ لَيْه مَسْرَايْ
يَوْم الْجِفِنْ عَادَى مِسَاهْ وْمَرَاحه
شِكَيْت لاوْرَاقْ الشِّجَرْ وَازْرَقْ الْمَايْ
عَنْ الْخَلِيْل اشْلَوْن عَمَّقْ جِرَاحه
غَيَّبْ وْخَلَّى بَسْمِتِيْ تَهْجِرْ شْفَايْ
وَاصْبَحْ هَمَاجْ الْمَا يِمُوْج بْقَرَاحه
نِثَرْت لِهْ مَعْنَاهْ بَارْجَاءْ مَبْنَايْ
وْلاَ هُوْ رَحَمْ قَلْبِيْ وْلا اطْلَقْ سَرَاحه
يِبْسَتْ غِصُوْن الشَّوْق وَازْهَارْ لامَايْ
ذِبْلَتْ.. وْلا ذِقْنَا مَعْ الْحِبّ رَاحه..!!