مَا يَفْرِقْ (الْكَتْف) فِيْ التَّعْبِيْر وِ(الْكَاهِلْ)
سِوَى سِوَى كِلَّهَا لِلْحِمْل شَيَّالِهْ
اللَّى وَرَا النَّاسْ مَا يَاتِيْ عَلَى السَّاهِلْ
وِاللَّى يَدِهْ فِيْ الْجَمِرْ مَا يِشْبَهْ الدَّالِهْ
إلَى مِتَى يَا رِفِيْق النُّوْر مِتْجَاهِلْ؟!
الدَّمّ وَقَّفْ وْزَادْ اللَّيْل مَوَّالِهْ
لا تَحْسِبْ إنِّيْ عَلَى ضَيْم الزِّمَنْ دَاهِلْ
لا وَاللّه إنِّيْ أعِيْفِهْ وَاكْرَهْ أحْمَالِهْ
يَا عِدّ مَا ابْعَدْ مِوَارِيْ شَجْنَةْ النَّاهِلْ
وِانْ غَابْ لاَ تَنْشِدْ اللَّي غَابْ عَنْ حَالِهْ
خَلِّهْ يِوَاجِهْ مِصِيْر الْوَقْت.. يِسْتَاهَلْ
مَا لِكْ وْمَا لِهْ صَرَاحه.. مَا لِكْ وْمَالِهْ..!!
يَا بَرْق يَا بَرْق وِانْ كَانْ الْمِطَرْ مَاهِلْ
سَلِّمْ عَلَى الْمِزْن مِنِّيْ عَدّ هَمَّالِهْ