نِفَايِسْ

يَا ظَبِيْ حَذْرِكْ قَنَانِيْص الظَّبِيْ

                لى وَلَعْهُمْ فِيْ (الْحِبَارَى) وِ(الْغِزَالْ)

مِنْ فِصِيْلِكْ مَا بِقَى ظَبْي عْرُبِيْ

                قَاصِدِيْنِكْ بِالْحِبَايِلْ وِالنِّبَالْ

وِانْت زَيْنِكْ مِنْ نِفَايِسْ (بُوْظَبِيْ)

               وَارِثِنِّهْ مِنْ كِنُوْز (بْنِيْ هِلالْ)

مِنْ يِقُوْل الْحِسِنْ وَافِدْ وَاجْنِبِيْ؟

              أشْهَدْ إنِّهْ مَا مَلَكْ ذَوْق وْ خَيَالْ

 وِالشِّمُوْس اللَّى تِفَيَّتْ بِالْعِبِيْ

              فَاتِنَاتْ الْحِسِنْ رَبَّاتْ الْجَمَالْ

يَأْسِرِنْ بِعْيُوْنِهِنْ قِبْل السَّبِيْ

              فِيْ سَهَمْهِنْ فِتْنَةْ وْذَبْح الرِّجَالْ

مَهْرِبِيْ مِنْهِنْ وْهِنْ.. هِنْ مَطْلِبِيْ

             وْصادِنِيْ مِنْهِنْ وَانَا الرَّامِيْ.. غِزَالْ..!!