جَمْر ورماد..!!
الظَّاهِرْ أنِّيْ فِيْ حَيَاتِكْ وَ لاَ شَيّ
وَاثْر الْغَلا عِنْدِكْ طَلَعْ شَيّ عَادِيْ..!!
حَنَّيْت لِكْ مِشْتَاقْ يَا بَهْجَةْ الْحَيّ
جِيْتِكْ جَمِرْ شَوْقِيْ.. وْشَوْقِكْ رُمَادِيْ..!!
جِيْتِكْ مِنْ حْدُوْد الْعَنَا وِدِّيْ الْفَيّ
وَاخْطِبْ مِنْ قْنُوْف السَّحَابْ الْبَرَادِيْ
جِيْتِكْ أبَدِّدْ وَحْشَةْ اللَّيْل بِالضَّيّ
حِلْمِيْ مِدَى وْالآمَالْ شِرْبِيْ وْ زَادِيْ
جِيْتِكْ أبَاْلمِسْ حِمْرَةْ الشَّمْس بِيْدَيّ
وَاشِمّ عِطْرِكْ.. وَاسْتِثِيْر الْمِدَادِيْ
جِيْتِكْ وْ هُوْجَاسْ الْهِوَى نَادَمْ الْغَيّ
يَا الْهَاجِسْ اللَّى بِهْ مِخَاصِمْ رِقَادِيْ
شَرَّعْت بَابْ الْهَجْر يَا كامِلْ الزِّيّ
وْجَازَيْت طِيْبِيْ بِالْجِفَا وِالْعِنَادِيْ..!!
كِوَيْت مِعْلاقْ الْحَشَا يَا الْغَلا كَيّ
وَادْمَيْت جَرْحٍ مُوْغِلٍ فِيْ فِوَادِيْ
ظَامِيْ وْ لِعْرُوْقِيْ تَرَى شَوْفِكْ الرَّيّ
قِرْبِكْ فَرَحْ.. وِالاَّ ابْتِعَادِكْ نِكَادِيْ
مِتَى مِسَافَاتْ الْجِفَا تِنْطِوِيْ طَيّ
وِالْوَصِلْ يِتْرَنَّمْ عَقَدْح الزِّنَادِيْ