كِلِّناَ يَا نَاسْ لامْره طايعين

رَبَّنَا الْخَلاَّقْ مَا نَعْبِدْ سِوَاهْ

 

يِعْلَمْ الْمَخْفَايْ وِاللَّى عَالْجِبِيْن

بِيْدِكُمْ يَا رَبّ تَصْرِيْف الحياه

 

أظْلِمَتْ (زَعْبِيْل) فِيْ سَاعه وْحِيْن

يَوْم رَبّ الْكَوْن نَادَى فِيْ سِمَاهْ

 

ارْحِلَوْا الاحْشَامْ يَاللَّى طَيِّبِيْن

هكذا الْمَعْبُوْد يَاخِذْ لَى يِبَاهْ

 

تَمْضيْ الأيَّامْ وِتْمِرّ السِّنِيْن

وْلاَ عَلَمْ اْلاِنْسَانْ يَوْمه ومِنْتَهَاهْ

 

يَا إله الْعَرْش مِنِّكْ طَالِبِيْن

غَيْركُمْ يَا رَبّ مَا نَطْلِبْ رِضَاهْ

 

(أمّ حَشْر) تْضِمّ فِيْ جَنَّاتْ عِيْن

وْقَبْرَهَا يَا رَبّ وَسِّعْ مِسْتِوَاهْ

 

فِيْ رِيَاضْ الْخِلْد وَيْن الصَّالِحِيْن

رَبّنَا الْمَعْبُوْد خَصّهْ وِاصْطِفَاهْ

 

رَحْمِتِكْ يَا رَبّ كِلْنَا رَاجِيِيْن

فِيْ نَهَارْ الْحَشر نَثْبِتْ يَا إله

 

يَوْم مَا يِنْفَعْك مَالْ وْلا بَنِيْن

غَيْر مِنْ يَاتِيْك باعْمَالْ وْصَلاهْ