لَبَّى صِدَى صَوْتِكْ وْلَبَّى جِبِيْنِكْ
وْسِحْر الْكَلاَمْ اللَّي كِسَا عْيُوْنِكْ السُّوْد
إيْه وَالله أشْتَاقِكْ وَاهِيْم بْحَنِيْنِكْ
وَارْحَلْ مَعِكْ يَمِّكْ بِالاحْلامْ وَاعُوْد
تَعِبْت أمَنِّيْ خَافِقِيْ فِيْ سِنِيْنِكْ
وَاسَابِقْ الْخِطْوه مِسَافَاتْ وِحْدُوْد
أقْسَى مِنْ الْحِرْمَانْ بَيْنِيْ وْبَيْنِكْ..!!
وَابْعَدْ مِنْ الْغَيْمِهْ عَلَى ظامِيْ الْعُوْد..!!
مَا يَكْفِيْ إنِّيْ كِلّ مَا قِلْت وَيْنِكْ؟!
أنَاظِرْ لْقَلْبِيْ وَالاقِيْك مَوْجُوْد..!
وْمَا يَكْفِيْ أنِّيْ كِلّ مَا شِفْت عَيْنِكْ
أنْسَى أسَى أمْسِيْ وَاقَابِلْك بِسْعُوْد؟!
فِيْ جُوْد من يظْمَاكْ مَا اوْفِيْك دَيْنِكْ
أمَّا وِجَعْ بِعْدِكْ فَلا عَنْه مَنْشُوْد