التُّوْت الْمَنْعُوْت

عَطَّرْ الْوَرْد بَانْفَاسِكْ نِسِيْمِهْ

وْذَعْذَعَتْ لِيْ مِنْ احْسَاسِكْ حِكَايَا

 

الْحِكَايَا مِنْ شْفَاهِكْ حِمِيْمِهْ

تُوْت مَنْعُوْت مِنْ وِذْف الشِّفَايَا

 

إنْت تَمْطِرْ عِطِرْ..!! مِنْ دُوْن غَيْمِهْ..!!

لَيْن تِخْضَرّ بِكْ جِدْب الْحَنَايَا

 

عَاشِقِنِّكْ فِوَادِيْ مِنْ صِمِيْمِهْ

مِثِلْ مَا تِعْشَقْ الْعِطْر الصِّبَايَا

 

الدِّقَايِقْ مِنْ حْضُوْرِكْ غِنِيْمِهْ

وِالثٍّوَانِيْ بْطَعَمْ شَهْد الثَّنَايَا

 

سَاسْ رِسِّكْ مِنْ أحْجَار ٍ كِرِيْمِهْ

وْوَالِدَيْنِكْ نَسِلْ بِيْض النِّوَايَا

 

أشْعِرْ بْغَبْنَةْ الْفَقْد الألِيْمِهْ

كِلّمَا تِشْرَبُكْ عَنِّيْ الْمَرَايَا..!

 

وَآتَلَظَّى عَلَى الْوَجْد وْجَحِيْمِهْ

وَآتِشَظَّى مِنْ الْغِيْرِهْ شِظَايَا