خِذْلان الرِّفِيْق

دَايِمٍ مَا يَخْذِلِكْ إلاَّ رِفِيْقِكْ

وِانْت نَاصِيْ مِنْ مَحَبِّهْ أوْ ثِقِهْ

 

لاَ تِغَيِّرْ خَوْف مِنْ صِدْفَةْ طِرِيْقِكْ

عَلِّمْ اللَّي دَاخِلِكْ مَا يَلْحِقِهْ

 

تِنْعِكِسْ لِهْ خَنْقِتِكْ لاَ جَفّ رِيْقِكْ

وِدِّكْ اللَّى شَارَكِكْ بِهْ تَحْرِقِهْ

 

لَوْ يِعِيْقِهْ بِعْد قَدْره مَا يِعِيْقِكْ

تُوْحِيْ إحْسَاسِهْ قَبِلْ لاَ يَنْطِقِهْ

 

كَانْ حَدِّكْ شَوْقِكْ وْتَحْتِهْ يِرِيْقِكْ

يحْسب إنْ وَصْله مْبَارَكْ وِصْدِقِهْ

 

جَاهَدْ لْعَيْنِكْ؟ وْمِتْضَايِقْ لِضِيْقِكْ

مِعْتِقِكْ لِلضَّيْم لِلّه إعْتِقِهْ

 

أنْت وَجْهِكْ نُوْر وِالْقِمِّهْ تِلِيْقِكْ

أسْوَدْ ذْنُوْبِكْ بِجَنْبِهْ مِشْرِقِهْ

 

غَرِّتِهْ دِنْيَاً تِبَارَقْ مِنْ بِرِيْقِكْ

بَاطِلْ النِّيِّهْ وْمَا الله وَفِّقِهْ

 

أنْت فَارِقْ مِرْوِيْ الْعَالَمْ عِقِيْقِكْ

يَحْبِسِكْ مَاضِيْه؟ فَضْلِكْ مِطْلِقِهْ

 

إحْمِدْ الله حَمَّلِكْ مَا لاَ يِطِيْقِكْ

جَاكْ حَاجِهْ وافْتَرَقْتُوْا لِـ.. وْرِقِهْ

 

ذِكْرَيَاتِهْ كَانها دُوْنِهْ تِشِيْقِكْ

السِّبَبْ: مِسْمَارْ.. لَوْحه.. مِطْرِقِهْ

 

قِلْت لِكْ مُوْ كِلّ مَرَّهْ لِهْ: تِسِيْقِكْ

كِلّ دَرْبٍ يِبْتِدِيْ بِهْ تَفْرِقِهْ

 

وِحْدِتِكْ تَغْنِيْك عَنِّهْ مُوْ صِدِيْقِكْ

مِنْ كِسَرْ خَاطِرْك مِنْ عِقْب الثِّقِهْ

 

وِانْت جَنْبِكْ (عِمْر) مِنْ مِدِّهْ غِرِيْقِكْ

كِلّ مَا حَسِّكْ وْقَرَّبْ: تَغْرِقِهْ...!