جَرَحْت قَلْبِيْ كَنّ مَا كَانْ يَعْنِيْك
وَالْحِيْن تَطْلِبْ بَعْد هَالْجَرْح عَفْوه!
أذَكِّرِكْ.. عَنْ كِلّ ناسِيْ مْبَدِّيْك
كِنْت أعْتِبِرْك فْـ.. دَاخِلْ الْقَلْب صَفْوه
يَامَا دِمَحْت أخْطَاكْ.. وِالْعِذرْ أٌغْلِيْك
وِانْتِهْ تِحَاسبْنِيْ عَلَى كِلّ هَفْوه
مَرَّتْ لِيَالْ أدْعِيْ عَسَى اللّه يَهْدِيْك
ولا ذَاقَت عْيُوْنِيْ مِنْ الشَّوْق غَفْوه
تَرَّكْتِنِيْ أسْهَرْ مَعْ الْبَرْد نَبْكِيْك
وَاحْلَمْ ألاَقي بْحِضْن الاحْلام دَفْوه
تَرَّكْتِنِيْ أتْوَسَّلِكْ لَيْه..؟! يَرْضِيْك
آكِلْ حِزِنْ وَاشْرَبْ مِنْ يْدَيْك جَفْوه؟!
وَالْحِيْن تَوْ تَذْكِرْ؟ وِشْ اللَّى مْنَسِّيْك؟
رَاجِعْ.. وْتَطْلِبْ بَعْد هَالْجَرح عَفْوه!!
قَفَّلْت قَلْبِيْ الْحِيْن مَا عَادْ يَمْدَيْك
وْلاَ تْدِقّ بَابْ الحِبّ لَوْ مَا انْت كَفْوه