الدَّمْع

 

أتْوَسَّلِكْ يَا دَمْع لاَ تْبُوْح

                     وِدٍ خِفَى فِيْ الْجَاشْ ملْيَاهْ

مَا فِيْ التِّبَاكِيْ نَيْل مَرْبُوْح

                    إِلاَّ الْعَنَا وِمْكَابَدْ الآه

قَالْ: الْجِفَا وِمْفَارَقْ الرُّوْح

                   أوْجَبْ عَلَيِّهْ وَجْدٍ أصْلاه

لَزْم الْمِوَادَعْ دَمْع مَنْضُوْح

                   يَسْقِيْ بِهْ الأوْجَانْ مجْرَاهْ

يطفي لَهَايِبْ قَلْب مَجْرُوْح

                  شَاقِيْ.. وْبِعْد الصَّاحِبْ أضْنَاهْ

قِلْت: الْعَفُوْ يَا دَمْع مَسْمُوْح

                   هِلّ وْعَسَى لِيْ فِيْك منْجَاهْ

اْلاوَّلْ أقُوْل الدَّمْع مَفْضُوْح

                    صَعْبٍ عَلَى لِنْفُوْس تِرْضَاهْ

واليوم أنَا لِيْ فِيْه مَصْلُوْح

                 دَمْعٍ سِبَايِبْ وِدٍ أهْوَاهْ