مِنْ يْنَبِّيْ سْعِيْد فِيْ يْنَاهَا

لَى غَلاَهَا فايِقٍ حَدِّهْ

 

مَا سِوَاهَا قَطّ شَرْوَاهَا

فِيْ صِمِيْم الْقَلْب مِعْتَدِّهْ

 

مِ الرِّمَكْ تَاخِذْ مِزَايَاهَا

لَى مِشَتْ عَ الأرْض مِحْتَدِّهْ

 

أوْ كَما حُوْرٍ بَتِلْفَاهَا

ظاهِرٍ مَا بَيْنِهِنْ بدِّهْ

 

إنْ وِصَفْت الْعَيْن وِحْيَاهَا

مَا بَاثَنِّيْ الْوَصْف مِنْ قَدِّهْ

 

وِالرّمُوْش أوْطَافْ ميْزَاهَا

مِثْقِلاَتْ الْجِفن بالْمَدِّهْ

 

مِفْنِدِهْ بِالْعِنْق واشْبَاهَا

وِالْعِيُوْن الْحُوْر مِسْوَدِّهْ

 

وِالْمِثَانِيْ دِرّ مِنْ فَاهَا

كَهِلاَلْ الْعَشر مِنْعَدِّهْ

 

حِسِنْ خِلْق وْخَلْقٍ أجْلاهَا

مَعْ ذَرَابَةْ نَطْقٍ وْ رَدِّهْ

 

لَوْ رَآهَا (قَيْس) أسْلاَهَا

عِشق (لَيْلَى) زَاحْ مِنْ ضَدِّهْ

 

وِاسْتَهَامْ وْهَيَّمْ إجْدَاهَا

ثُمْ خَلَفْ شِعْرِهْ عَلَى نَضْدِهْ