تِخْتِلِفْ اْلاَسْبَابْ فِيْ وَقْت الأجَلْ

وْنِتِّفِقْ بَانّ شْهِدَانَا عَايِشِيْن

 

يَا إلهٍ.. عَزّ فِيْ قَدْره وِ جَلّ

تَنْصِرْ أهْل الْحَقّ... بِالْحَقّ الْمُبِيْن

 

حِنْ شَرَارْ النَّارْ فِيْ عَيْن الدِّجَلْ

نِفْتِدِيْ بِالرُّوْح دَارْ الْغَانمين

 

كِلّ قَطْرَةْ دَمْ سَاحَتْ فِيْ عَجَلْ

فَوْق أثَرْهَا نِبْت عُوْد الْيَاسمين

 

يَا شِهِيْد الْمَجْد لَى قَدْرِكْ بِجَلْ

نِسْألْ اللّه يِرْحَمِكْ فِيْ كِلّ حِيْن

 

لانّ بِكْ عَادْ الأمَلْ... فِيْك ارْتِجَلْ

(حَرْف) خَالَطْ (طَرْف) مِنْ فَقْدِكْ حِزِيْن

 

يَوْمِ نَادَتْك الشَّهَادِهْ، قِلْت: (أجَلْ)

لَيْتِنِيْ عِزْوَةْ وِطَنْ... فَدْوه لِدِيْن

 

طِيْر يَا شِعْرِيْ بِحِجْلَيْن الزِّجَلْ

وِاصْعَدْ بْمَرْثِيِّتِيْ لِلْخَالِدِيْن