أعْجَزْنِيْ الشِّعر مَا فِيْهَا الْحِرُوْف حْرُوْف

أتْعَبْنِيْ الْوَجْد خَانَتْنِيْ تَعَابِيْرِيْ

 

دَوَّرْت أجْمَلْ عِبَارَاتِيْ وَانَا مَلْهُوْف

مَلْهُوْف أصَوِّرْ وْخَانَتْنِيْ تِصَاوِيْرِيْ

 

تِبْقَيْن أحْلَى مِنْ الْمَجْهُوْل وِالْمَعْرُوْف

تِبْقَيْن فِيْ الرُّوْح مَا يِوْصَلْك تَعْبِيْرِيْ

 

يَا دَارْ رُوْح الْمِعَنَّى وِالْمِعَنَّى يْطُوْف

بِالْكَوْن.. لكن غَلَبْنِيْ بَعْض تَفْسِيْرِيْ

 

تَفْسِيْر حِبِّيْ لِعَيْنِكْ يَا مِدَى وِكْفُوْفْ

ضَمَّتْ حَشَا الرُّوْح حَتَّى غِرْت مِنْ غَيْرِيْ..!!

 

غَيْرَانْ انَا يَا بِلادِيْ مِنْ رِفُوْف رْفُوْف

مَرَّوْا عِصَافِيْر بِظـْلالِكْ وْتَفْكِيْرِيْ

 

يَا واقفه فِيْ لِيَالْ الْوَعْد تاهْ الشَّوْف

مَرَّتْ لِيَالِيْ وْلاَ سَرَّتْ مِقَادِيْرِيْ

 

أنَا عَلَى دَرْبِكْ الْمَفْرُوْش وِالْمَحْفُوْف

بِالْحِبّ مِنْ يَوْم انَا اطَيِّرْ عِصَافِيْرِيْ

 

رُوْحِيْ تِوَارَتْ تَحَتْ ظِلِّكْ وَانَا مَكْتُوْف

مِتَى تِفِكِّيْن أسْرِيْ.. عِفْت تَهْجِيْرِيْ

 

تَعَالِيْ هَاتِيْ.. تَعَالِيْ يَا وِطَنْ وِحْرُوْف

هَاتِيْ ارْسِمِيْ لِيْ خُطَى.. تَاهَتْ تَعَابِيْرِيْ