الله يحَيِّيْك مِنْ قَلْبِيْ لِيَا عَيْنِيْ
هذي مِدَاهِيْلِكْ اللَّى مَا انْت جَاهِلْهَا
كَانِكْ تِجَاهَلْتِنِيْ ضَاعَتْ عَنَاوِيْنِيْ
وِانْ جِيْتِنِيْ جَتْنِيْ سْنِيْنِيْ مِنْ اوَّلْهَا
مَا شَحَّتْ سْنِيْن عِمْرِيْ وِانْت بِيْدَيْنِيْ
الله عَلَى ايَّامْهَا مَا اكْثَرْ جِمَايِلْهَا
يَا وَحْشَةْ العمر يَا فَرْحَةْ ثَلاَثِيْنِيْ
مَا هِيْ حِسُوْفه لِيَا مِنْ صِرْت سَاحِلْهَا
لاَ جَابِكْ الشَّوْق يَا زِيْنِكْ وْيَا زِيْنِيْ
وِشْ هِيْ نِجُوْم الثِّرَيَّا فِيْ مَنَازِلْهَا
آمِدّ لِكْ لَهْفَةْ الْيَمْنَى وْتَعْطِيْنِيْ
يَمْنَاكْ وِالشَّوْق يَنْبِتْ بَيْن أنَامِلْهَا
وَيْن انْت عَنِّيْ وَانَا وِانْ قِلْت لِيْ وَيْنِيْ؟!
جَارَتْ عَلَيّ السِّنِيْن وْقِمْت أجَامِلْهَا
إبْعَثْ هِشِيْم القلوب.. وْلاَ تِوَصِّيْنِيْ
أحْيِيْ اللِّيَالِيْ عِقُبْ لاَمَاكْ وَاشْعِلْهَا
مَا فَزّ وَرْد الْمِشَاعِرْ بَيْنِكْ وْبَيْنِيْ
لِلْحِبّ بَاقِيْ عِلُوْمٍ مَا انْت قَايِلْهَا