السَّم الْمَدْسُوْس

لو كان رِيْح الْحِزْن يا عِيْد يِنْشَمّ

كانت تعطِّر ضِيْقتي ثوب عِيْدي

 

لكِنّ دَمْع الجوف يِنْذَاقْ بِالْفَمّ

وَاكْبَرْ دليل انِّكْ تِذَوَّقْ قِصِيْدِيْ

 

بَعْض الشِّعِر لا من قِرَيْته ذَرَفْ دَمّ

مِنْ مِقْلِتَيْنِيْ وانْتَهَضْ له وِرِيْدِيْ

 

والشِّعْر كَنّه عُوْد والهَمّ.. مِيْسَمّ

كِلْ ما انْكِوَيْت يْفُوْح صافي جِدِيْدِيْ

 

ما حَدّني عَ الْهَمّ غير انْت يا الْهَمّ

كَنّ الأسَى مَعْشُوْق ساعي بريدي

 

وانا كما اللَّى دَسّ في لِقْمِتِهْ سَمّ

أجْرِمْ بحَقِّيْ عَمْد واشْرَهْ عَلَى ايْدِيْ

 

من قال بانّ اللَّى تألَّمْ تَعَلَّمْ؟

أكْذِبْ.. أمَثِّلْ أنّ جَرْحي رصيدي

 

الْوَقْت وَلَّدْ فيني انْسَانْ مُلْهَمْ

مَفْرُوْض يوْلَدْ مَعْه قَلْب ٍ حِدِيْدَيْ

 

الْمِشْكِلِهْ في طَبْع الايَّامْ مُبْهَمْ

مَا قِدْ نِفَعْ وِيَّاهْ طِيْبِيْ وْكَيْدِيْ

 

تَوِّيْ اكْتِشَفْت الْهَمّ له كَفٍ أعْسَمْ

مَدَّيْت لِهْ يَمْنَايْ.. مَا صَافَحْ إيْدِيْ..!!