العد التنازلي لإكسبو 2020 دبي

    شعر: سعيد الشِّحِّي

    أمَاسِيْ زَغَاِريْد

    عِيْدِكْ مِطَرْ يروي ظما يابِسْ الْبِيْد

                                أوْ بَسْمَةْ الْقَمْرَا على صَفْحَة المَيّ

    عِيْدِك أماسي غَارِقه بـِ(الزَّغَارِيْد)

                                عَذْب الأغاني صاغها (زَامِرْ الحَيّ)

    عِيْدِك زَعَلْ.. عِيْدِك فَرَحْ.. عِيْدِك العيد

                                تدرين إن العيد دونك وَ لا شَيّ..!

    عِيْدِك تباشير الزَّهَرْ والمواعيد

                               أحْلام ليل ٍ يحتري مَوْلِدْ الضَّيّ

    عِيْدِك (مناجاة) النِّدَى لِلْعَنَاقِيْد

                              يِمْسَحْ غِبَارْ الْوَقْت بِشـْوَي بِشـْوَيْ

    عِيْدِك سلام الْقَلْب وِمْصَافَحْ الإيْد

                             مِثْل انكساف الشَّمْس في (حَاجِبْ) الْفَيّ

    عِيْدِك قديم السَّالفه.. عِشـْقٍ جْدِيْد

                             يَطْوِيْ مِسَافَاتْ الْغَلا وِالْعَتَبْ طَيّ

    أطْهَرْ من البَسْمه بفَمّ المواليد

                            وَاجْمَلْ من الوان الذَّهَبْ لا ضِوَى ضَيّ

    عِيْدِك شروق الحَظّ بَارْض (الْمِقَاِريْد)

                            وْنَبْض القلوب يْصِيْر من شَوْفِتِكْ حَيّ

    طباعة Email