عَذْب الْوِدَادْ الْوِفِيْ ما تِنْقَـضْ أرْكانـه
يبقى اللِّزَمْ بِالْغَلا لـو حالَـتْ ظْروفـه
لَوْ خَذْت شَهْر الْحُوِيْ ما اشُوْف بِيْبَانـه
جَنَّاتْ قلبـي بطِيْـب الْخَلْـق مَحْفوفـه
صِدْقَان مِنْ هُوْ شَرَاتِيْ مِثـل صِدْقَانـه
أهْل الْوِفَا وِالصِّفَـا والشَّـانْ وِالنَّوْفـه
(لِقْمَاش) وِ(اليَكّ) وِ(الحَصْبَاهْ) و(الدَّانه)
جِوَاهِـرٍ بالوفـا نَـزْهَـهْ وْمَحْفـوفـه
وِاللَّوْث مـا عِنْديـه مِثْقـال لاَوْزانـه
ولا احَشْم لَى ما حِشَمْ مِ الزَّلـِّهْ حْروفـه
جَرَّبْت الايَّـام هـب الأيَّـام خَوَّانـه!!
بَعْض الاجناس الخيانه عِنْدهـم شَوْفـه
زامَلْـت الايَّـامْ مَحْزونـه وْفَرْحـانـه
وْجَرَّبْـت عِرْبَـانْ مَغْمـوره وْمَعْروفـه
وْكَم شِفْت أسامي لَهَـا شَنّـه وْرَنّانـه
وهي لَى تِقَارَبْت مَرْبُوْشـه وْمَخْفوفـه
عِطْني وْبَاعْطِيْك و(الدّانه) عِوَضْ (لانه)
واذا قِطَعْت بْسِبَـبْ مـا حَثَّـوْا اللَّوْفـه
أمَّا الرَّحَمْ حَدْر مِطْـرَقْ فـَوْق سِنْدانـه
مَقْطوعه أوْصالـه والاجْـراح مَنْزُوْفـه
لَمَّـةْ خَرَارِيْـف قـَوْل وْقَالَـتْ فْلانـه
وْكِفّـَارَهْ الْمَجْلِـسْ بْتَحْرِيْـف مَخْلوفـه
أصْلاً من تْشُوْف لاخ يْنِـمّ فـ..اخْوَانِـهْ
إغْسِلْ يِدَيْنِكْ تِشُـوْف الْحَوْبـه بْحَوْفـه
لِعْيُوْن تِتْشَـاوَفْ وْلِقْلُـْوب لَعَّـانـه
وِشْ حَدّهم والذِّمَمْ مـا هـي بْمَكْلوفـه
وانـا تَعَاوَضْـت بالصِّدْقَـانْ جَذْلانـه
لَـى ثَبِّتَـوْا بِالْـوِدَادْ النَّـزْه وِحْلُوْفـه
نَقَّيْتهـم مـن مـدار الْوَقْـت وَازْمَانـه
أفْلِقْ قِمَاشْ الْغَـلا مِـنْ لِبَّـهْ صْدُوْفـه
كِلٍ يَرَى فـي عيـون أحْبَابـه أوْطانـه
وِبْدُوْنهـم سَجَّـةْ الأفْـرَاحْ مَعْيُـْوفـه
لِيْ مَجْلِسِيْ مَـا عِدَاهُـْم دَوْر فِنْجَانـه
يَـا عِـلّ يَسْقِيْهُـمْ الْوَكَّـاْف بِقْنُوْفـه