شَغَامِيْم الوطن

حَيِّيْن يَا جِنْد الشِّجاعه وِالاقْدَامْ

                            فِيْ قْلوبنا وْفِيْ جَنَّةْ الْخِلْد حَيِّيْن

هذا يِدِلّ.. إنّ (الإمارات).. قِدَّامْ

                            هِيْ ناصره لِلْجَارْ وِالْحَقّ وِالدِّيْن

أنْتُمْ شَغَامِيْم الْوِطَنْ دِرْع وِحْسَامْ

                             مَا هَمّكُمْ.. لِلْمَوْت أنْتُمْ.. مِحِبِّيْن

أنْتُمْ حِمَاةْ الدَّارْ فِيْ سُوْد الايَّامْ

                           وِانْتُمْ لَهَا فِيْ سَاعَةْ الْحَسم وَافِيْن

نِفْخَرْ بِكُمْ يَا صَفْوَةْ الدَّارْ الاكْرَامْ

                            يَا شِمَّخْ الْهَامَاتْ.. غِرٍ مِيَامِيْن

(زَايِدْ).. عِطَاكُمْ عَزْم لِلْحَقّ وِالْهَامْ

                            فِيْ نِصْرَةْ الْمَظْلُوْم وِانْتُمْ جِدِيْرِيْن

فِيْكُمْ رِفَعْنا الرُّوْس وِنْسِيْر قِدَّامْ

                           وِانْتُمْ تَرَى فِيْ مِهْجَةْ الدَّارْ حَيِّيْن