كراسي.. طاولات.. وْصَمْت
سكون يْبَعْثِرْ احساسي
مدينه تِرْتِكِبْني كَبْت
وْتِحَاسِبْني على ياسي
من اللَّى ضَيَّعِكْ يا وَقْت؟
انا والاّ زِمَنْ ناسي؟!
حبيبي واللِّيَالي سبْت
متى تِحْنى على قاسي؟
نِذَرْتِكْ للحنايا وْنِلْت:
فَرَاغٍ يِشْرِبه كاسي
وش اللي غَيَّرِك يا بَخْت؟!
خريف وْتِشْبَهِكْ ناسي
أنا للمَصْلحه ما لِنْت
(أموت وْمِرْتِفِعْ راسي)
وعلى وَعْدي أنا ما زلْت
طموحي يَسْبِق أحْدَاسِيْ
إذا الدَّمْعَه تِزِيْدِكْ نَحْت
تجَسِّد ثَوْرَةْ أنْفَاسي
صدى.. هَمْس.. وْكلام.. وْصَمْت
وِشْ اللَّى بَعْثَرْ إحْسَاسِيْ؟!