مَا يِنْغِلِبْ (فَزَّاعْ) لِلصَّعْب غَالِبْ

لِهْ فِيْ مِيَادِيْن النَّصِرْ دَوْم بَصْمَاتْ

مِدِيْم دَايِمْ لِلنِّوَامِيْس جَالِبْ

يَرْصِدْ وْيَحْصِدْ فِيْ البطولات كَاسَاتْ

يَسْمُو بْسِمَا الأمْجَادْ لِلْمَجْد طَالِبْ

كَاسِبْ عَلَى الطَّوْلاَتْ بِالْعَزم طَوْلاَتْ

عِنْد اشْتِدَادْ الْخَطْب لِهْ رَايْ صَايِبْ

يْحِلّ عِقْدَاتْ الأمور الصِّعِيْبَاتْ

رَجْل الْمِوَاقِفْ دِرْعِنَا فِيْ النِّوَايِبْ

قِدْوَةْ شباب الْجِيْل فَخْر (الإمارات)

شَاعِرْ بِدِيْع الْقَافْ لِهْ شَوْف ثَاقِبْ

عَدَّى طموحه فَوْق سَبْع السِّمَاوَاتْ

غَنَّتْ لِهْ الْقِيْفَانْ وِالْفِكر طَايِبْ

وِالشِّعر فِيْه يْزِيْن مَعْنَاهْ بَابْيَاتْ