آه يَوْم الْكَوْن وَدَّعْ مِسَافَاتْ النَّهَارْ
وَاسْدَلْ سْتَاره عَلَى ضِفَّةْ أنْفَاسْ البحور
وِارْتِدَى وَجْه الْفِضَا عِقْب جِلْبَابْ الْحَمَارْ
شَرْفِتِيْنٍ مِنْ سِوَادْ وْبَحْر لولو ونور
فِيْ سِكُوْن اللَّيْل وِالصَّمْت وَاسْرَارْ الْبِحَارْ
يفْرِشْ الشَّاعِرْ بساطه عَلَى سَطْح الحضور الهوى غَلاَّبْ وِالشَّوْق لِلْعَاشِقْ وجار وِالْمَحَبّهْ صِدْق وِاخْلاص وِاحْسَاسْ وْشِعُوْر
والكبار اللَّي تِشُوْفون فِيْ الدِّنْيَا صِغَارْ
المظاهِرْ شَخْص خَادِعْ غَلَبْ شَخْص مْخَبُوْر دمعة الأفْكَارْ نور وْضِحُوْك الْجَهْل نار وانعكاسات الصَّدَى شَيّ مِنْ حِبّ الظّهور وِالْمَرَضْ فِيْ النَّاسْ دَايِمْ سِرِيْع الإنْتِشَارْ تَدْرِجْ الْمِكْرَهْ عَلَى السِّلْك والدِّنْيَا تدور وِانْت يا اللَّى لِكْ بْقَلْبي ملكوت ومدار إنْت لِلشِّرْيَانْ شِرْيَانْ وَانْفَاسْ وزهور
كَنّ دَمْع الثَّوْب يَرْسِمْ عَلَى صدره زِرَارْ
دَمْع عَيْنِيْ عَبْرِتَيْنٍ يِفِجِنّ النّحور الهموم لْهَا بقلبي مفاريد وْبِكَارْ والجروح لْهَا بعِمْرِيْ مِسَافَاتْ وْدهور كَنّ فِيْ قَلْبِيْ مِصَانِعْ وْفِيْ رَاسِيْ قِطَارْ وْكَنّ شِرْيَانِيْ يَنَابِيْع وَانْهَارْ وْبِذُوْر يا جنون (زْرَارْ) وِابْدَاْع (مِرْسَالْ وْنِزَارْ) يا انفتاح الْوَرْد وَاجْمَلْ مِصَبَّاتْ العطور صَدِّتِكْ عَنِّيْ مَا هِيْ صَاحِبٍ بِرْتِهْ وْبَارْ كَمْ صِحِيْب ٍ قِلْت ما والله يبور.. ويبور..!! صَدِّتِكْ عَنِّيْ مِثِلْ ضَرْبَةْ أسْلِحْة الدَّمَارْ وانشطاراتك على الْقَلْب بركانٍ يثور لاَ تِحَسْب انِّكْ عَلَى مَا تِسَوِّيْ بِيْ مُجَارْ وْلاَ تِحَسْب انِّكْ ليا مِنْ تِعَذَّرْت مْعَذُوْر طَعْنِتِكْ غِيْلِهْ وَانا دَمْعَتِيْ دَمْعَةْ وِقَارْ والله انِّهْ مَا يِجِيْك انْت مِنْ يَمِّيْ قِصُوْر