شَارِعْ الْغُرْبة

فِرْصه سَعَيْدِهْ.. قِلْتَهَا رَغم عَنِّيْ

الْوِدّ وِدِّيْ.. مَا أفَارِقْ كِفُوْفه

 

لَيْتِهْ زِمَانِيْ بِالْجِفَا.. مَا امْتَحَنِّيْ

لَيْتِهْ تَرَكْنِيْ.. سَارِحٍ.. قَبْل أشُوْفه

 

شِفْت بْعِيُوْنِهْ.. دَمْعِةٍ.. تِحْتِضِنِّيْ

حَسَّيْت بِطْعُوْنِهْ.. وْنَزْفه.. وْخَوْفه

 

وْقَبْل أسْألِهْ.. قَاطَعْ كَلاَمِيْ.. سَألْنِيْ

عَنْ شَارِعْ الْغُرْبه.. وْذَابَتْ طِيُوْفه..!!

 

رِحْت أتْبَعه.. كَنِّهْ سَرَقْ شَيّ مِنِّيْ

أتْبَعْ سَرَابْ.. وْعَيْن قَلْبِيْ.. تِحُوْفه

 

رَاحْ.. وْتَرَكْ لِيْ.. ذِكْرَيَاتْ وْتِمَنِّيْ

وِوْجِيْه نَاسٍ.. مَا تِشَابِهْ وِصُوْفه !