إتْرِكْ لْنَفْسِكْ مِسَاحه فِيْ الْحياه
لاَ تِعَذِّبْهَا وْلاَ تَشْكِيْ بِهَا
لاَ تِحَمِّلْهَا الّذي تِتْعَبْ مَعَاهْ
عِيْش تَرْضِيْهَا وْلاَ تَرْضِيْ بْهَا
والسَّعاده نُوْر فِيْ دَرْبِكْ تَرَاهْ
شُوْفها فِيْ يْدَيْك مَا تَدْرِيْ بْهَا
فِيْ رِضَاكْ وْفِيْ سَلاَمِكْ فِيْ الصَّلاَهْ
عِيْش صَاحِيْ صِحِّتِكْ يَا طِيْبها
وِاسْعَى لِلرِّزْق الْحَلاَلْ وْلِلنَّجَاهْ
وِاشْكِرْ الله وْنِعْمِتِهْ غَنِّيْ بْهَا
إرْضَى بِالشَّيّ الْقِلِيْل وْخَلّ آه
لاَ تِرَدِّدْهَا وْلاَ تَهْذِيْ بْهَا
وْصَاحِبْ اللَّى لِلْفَرَحْ تَمْشِيْ وَرَاهْ
بَسْمِتِهْ يِحْيَا بْهَا وْيَحْيِيْ بْهَا
وْلاَ تِصَاحِبْ صَاحِبٍ عَافْ الْحياه
بَسّ يَشْكِيْ عِيْشِتِهْ وِيْعيْبها