00
إكسبو 2020 دبي اليوم

تَوْثِيْق العِزّ

الْفَزْعه اللَّي مَا تِجِيْ سَاعَةْ الضِّيْق

فِيْ كِلّ سَاعَاتْ الرَّخَا مَا نَبِيْهَا

نشُوْم عَنْها لَوْ جِمِيْع الْمَخَالِيْق

لَدَّتْ لَهَا وَاكْثَرْ الاحَاسِيْس فِيْهَا

نفوسنا فِيْهَا مِنْ الْعِزّ تَوْثِيْق

نَهْج الْفِضِيْلِهْ نَهْجَهَا وِيْعَنِيْهَا

مِنْ فَضل فَتَّاحْ القفول الْمَغَالِيْق

عَالِمْ نِوَايَانَا وْمَا تِحْتِوِيْهَا

أنظارنا لِلنَّايِفَاتْ الشِّوَاهِيْق

نِتْعَبْ لَهَا وِنْفُوْسنا تِهْتِوِيْهَا

لها بماضينا شِوَاهِدْ وْتَعْمِيْق

وْبَاعْمَاقْ حَاضِرْنَا التِّلِيْد تْحَكِيْهَا

مِوَاقِفْ التَّارِيْخ غَرْبٍ وْتَشْرِيْق

تِشْهَدْ لَنَا وَاسْمَى الْفَخَرْ يِعْتِلِيْهَا

الْعَارِضْ الْمشْهُوْر وِالشَّامِخْ (طْوَيْق)

نَبْنِيْ هِقَاوِيْنَا الْعِظِيْمِهْ عَلَيْهَا

أمْجَادنا ما هِيْ تِصَنِّعْ وْتَلْفِيْق

بَافْعَالنا طُوْل الزِّمَنْ نِحْتِمِيْهَا

طباعة Email