إِنْعِمِيْ يَا دَارْ (زَايِدْ) وِاطْلِبِيْ

يَا مِثَالْ الْخَيْر يَا خَيْر الْمِثَالْ

 

مِنْ نِوَى (زَايِدْ) وْ(رَاشِدْنَا) الأَبِيْ

بِاجْتِمَاعْ الصَّفّ مِنْوَالْ الْكَمَالْ

 

أسِّسَوْا بِنْيَانْ سَاس ٍ قِدْ رِبِيْ

وِبْـ(خِلِيْفِهْ) حَامِلْ الرَّايَاتْ جَالْ

 

يَا فِخَارْ الْعِزّ لِلشَّعْب إِحْسِبِيْ

سَبْعَةْ أغْصَان ٍ سِمَتْ بَاعْلَى الْمَنَالْ

 

بْرِجَالِكْ وِبْنِسَائِكْ إِشْرِبِيْ

مِنْ مِوَارِدْ نَبْعَهَا عَذْب ٍ زِلاَلْ

 

وِافْتِحِيْ التَّارِيْخ هَيَّا وِاكْتِبِيْ

دَامِهْ (مْحَمَّدْ) كِسَرْ مَعْنَى الْمُحَالْ

 

قَوْدِكْ الأوَّلْ وْيَا دَارْ أوْجِبِيْ

تِشْهَدْ الأيَّامْ لَى جَانَا مِجَالْ

 

إنْتِيْ شَمْس ٍ مَا تِثَنَّى بْمَغْرِبِيْ

إنْتِيْ نَجْم (سْهَيْل) لِلْقَاصِيْ دَلاَلْ

 

بِالْتِحَامْ الصَّفّ لِلْكِلّ إِضْرِبِيْ

بْمِثَالْ الْفَخر يَا أغْلَى مِثَالْ