يَا لَيْتِنِيْ ألْقَى مِنْ الضِّيْق مَخْرَج
قَلْبي سِجِيْن وْيِنْتِظِرْ يَوْم الاِفْرَاجْ
ْ
ضايِقْ وْقَلْبي فَوْق جَمْرٍ يِدَحْرَج
عِجَزْت أدَوِّرْ لِيْ مِنْ الضِّيْق مِخْرَاجْ
ْ
الضِّيْق كَنِّهْ دَاخِلْ الْيَوْف مِدْرَج
عَلَيْه حِرَّاس ٍ مِنْ الْهَمّ وِ سْيَاجْ
ْ
نِتْفَاءَلْ بْبَاكِرْ (خَبَرْ خَيْر).. تِفْرَجْ..!
وْبَاكِرْ مِثِلْ أمْسِهْ يِجِيْ عَاقِدْ حْجَاجْ..!
وَالْحَرْف عَ ظَهْر الْمَعَانَاةْ.. أسْرَجْ
قافٍ صِدَى الأحْزَانْ تَأْلِيْف وِاخْرَاجْ
عِفْت الزِّمَانْ اللَّى بِهْ الطَّيِّبْ أعْرَجْ!
وَاهْل الرِّدَى فِيْ ذَا الزِّمَنْ تِلْبَسْ التَّاجْ..!
الطِّيْب ضَيَّعْنِيْ وَانَا مِنْه مِحْرَجْ..!!
يَامَا وْيَامَا حَطِّنِيْ الطِّيْب بِاحْرَاجْ..!!