إلى اللّقا يا اغْلَى حَبِيْبه بَيْتها وِسْط الْعِيُوْن

فَـ امَانَةْ الله والدّموع أصْدَق موَاعِيْد الوداع

 

ما اسْتَوْعِبْ الْمَوْقِفْ ولكن ما دَخَلْ نَفْسي ظِنُوْن

بانْ المِقادير بْيَد الخَالِقْ موادَعنا الضّىاع

 

مَا للصَّبِرْ غير الصَّبر في قَلْب مَنْ نَبْضه حنون

وْمَا لِلْيِدَيْن إلاَّ معانَقْها حَرَاره وانْطِباع

 

أرْجوك يا رُوْح الوفا لَوْ صابِني بَعْض الْجِنُون

تْحَمِّلَي رَعْشَةْ يَدِيْ والصَّوْت وْبَحَّاتْ انْقِطاع

 

لَحْظه وصَعْبه يوم حَظّ الأجْوِدِيْ دايم يخُوْن

خانَتْني أطْرافي وْمِجْدافي وْمَوْجِيْ والشِّرَاع

 

أغْفِيْ عِيُوْنِكْ وِانْسي الذِّكْرى على اجْساد وْمِتُوْن

والاّ اذْكِرِيْني بِالشِّفاه اللِّى لِبَسْها الإمْتِنَاع

 

تِذَكَّرَيْ حِبّ امْنياتك وامْنِيَاتي يا المنون

واللَّى حِصَل بَيْنِيْ وْبَيْنِكْ والحَياه أصْل المتاع

 

يَمْكِنْ تِنَاسَيْنَا الوداع وْكِلّ شِبَهْ يَمْكِنْ يهون

ويبقى الْوِصَال المِعْتَبَرْ رَغْم السِّفَرْ والاَّ الْوِدَاع