النَّظْرة الثّاقبة

إِتْبَعْ دروب الرِّجَا وِاقْطَعْ مِسَالِكْهَا

الرَّبّ وَاحِدْ وْبِيْدِهْ الأمِرْ سِبْحَانِهْ

خَلّ اتِّكَالِكْ عَلَى مَالِكْهَا

وِابْشِرْ بِيِسْر الأمِرْ مِنْ عِقْب لِمْحَانِهْ

اللَّيْل يِجْلَى بِنُوْر الشَّمْس حَالِكْهَا

وِانْ طَالْ إِصْبِرْ يَلَيْن يْدِنّ مِيْحَانِهْ

.

إِجْلِدْ وْخَلِّكْ قِوِيّ النَّفْس دَارِكْهَا

وِانْظِرْ بِعَيْن الّذيْ قِدْ شَافْ بَاعْيَانِهْ

خَلِّكْ حِشِيْم الْهِذَى وِاوْزِنْ مِدَارِكْهَا

وِاحْكِمْ حِرُوْف اللِّغَى وِتْوَثَّقْ ألْحَانِهْ

الْعِمِرْ وَاحِدْ وْقَضْوَى الله مِدْرِكْهَا

لاَ شَكّ مَا قِدْ قِضَى لِهْ حِلّ مِيْحَانِهْ

أسْلِمْ وْتِسْلَم عَلَى نَفْسِكْ مِشَابِكْهَا

فِيْ يَوْم مَا يِنْفَعْ الْمَافُوْن سِرْحَانِهْ

إِتْبَعْ دروب الرِّجَا وِاقْطَعْ مِسَالِكْهَا

وِابْشِرْ بِيِسْر الأمِرْ مِنْ عِقْب لِمْحَانِهْ