أوَّاااهْ.. يَا (رَاشِدْ)

نَامْ بْسَلاَمْ

غَادَرْت فِيْ الشَّهْر الْحَرَامْ

مِنْ عِقْدِكْ الرَّابِعْ أخَذْت أرْبَعْ سِنِيْن

وْطَيَّرْت بَاقِيْهَا إِلَى الْجَنِّهْ يَمَامْ

تَرَّكْت فِيْ قَلْبِيْ كَلاَمْ

آشَدّ مِنْ وَقْع الْكِلاَمْ

وَاغْزَرْ مِنْ دْمُوْع ٍ جَرَتْ حَمْرَا

مِنْ قْلُوْب الْكِرَامْ

يَوْم الْمِشَامْ

جَوِّيْ عِقُبْ مَا غِبْت غَامْ

سُوْد الْخِيَامْ أبْرَاجِنَا فِيْ (دْبَيّ)

لَوْ كِبْرَتْ سَنَامْ..!

أذْكِرْك فِيْ شَهْر الصِّيَامْ

سِبَقْتِنِيْ وْهَنَّيْتِنِيْ بِالشَّهَرْ

وَآنَا مِنْ عَوَامْ..!!

أوَّاااااااهْ.. يَا (رَاشِدْ) مِضَيْت

وْلاَ قْدِرْت أَوَدِّعْك بْسَلامْ

حَطَّوْك فِيْ جَوْف الثَّرَى

وْقَامْ الثَّرَى وْ لِبْس الْغُمَامْ..!