عيال (زَايِدْ)

يَا عِمِيْل (الْفِرْس) نِحْنَا (عْيَالْ زَايِدْ)

وَمَا عَلَى (زَايِدْ) مِنْ الْوَافِيْن نَايِفْ

مَا نِصَالِحْ مَا نِمَالِحْ مَا نِحَايِدْ

لَيْن مَا نَسْقِيْك كَاسَاتْ الْحِسَايِفْ

مَا نِبَيِّتْ حَقِّنَا عِرْف وْعِوَايِدْ

دَامْ مَا نِصْبَتْ عَلَى الْجِسْم السِّقَايِفْ

مِنْ غِضَبْنَا تاخِذْ الشِّهْب الْوِقَايِدْ

ثَارْنَا بَانَاخِذِهْ مِنْكُمْ رِضَايِفْ

وِالِّذِيْ وَايِدْ.. عَلَيْنَا هُوْب وَايِدْ

مِنْ زِمَانْ الْخَيْل وِالْحِدْب الرَّهَايِفْ

تِشْلَعْ قْلُوْب الْعِدَى مِنَّا صِوَايِدْ

شَوْف عَيْن اللَّى مِنْ اوَّلْ هُوْب شَايِفْ

نِعْتِلِيْ بْعَزْم الرِّجُوْلِهْ كِلّ كَايِدْ

مَا نْوَقِّعْ غَيْر فِيْ رُوْس الشَّرَايِفْ

نَوْرِدْ الْمَوْت الْحَمَرْ وَقْت الشِّدَايِدْ

وِنْتِسَابِقْ.. يَوْم وِلْد اللاشْ خَايِفْ

سِطِّرَتْ فِيْنَا جِزِيْلاَتْ الْقِصَايِدْ

وِاسْنِدَتْهَا بِالسَّنَدْ بِيْض الصَّحَايِفْ

وِانْت يَا (الْحُوْثِيْ) عَلَيْنَا لا تِزَايِدْ

خَذْك رَبِّيْ كِلّ عِلْمٍ عَنْك.. هَايِفْ