قِصَايِدْ (زَايِدْ)

بَعْض الاحْدَاثْ أكْبَرْ مِنْ مَعَانِيْ الْكَلاَمْ

وَاكْبَرْ مْن الْمِشَاعِرْ وَاكْبَرْ مْن الْقِصِيْد

وَاكْبَرْ مْن الظِّرُوْف السُّوْد مَعْنَى الظَّلاَمْ

وِاللِّيَالِيْ مِوَارِيْهَا الرَّخَا وِالشِّدِيْد

بَعْض الاحْدَاثْ تَاخِذْ عَقْل رَجْل ٍ همَامْ

تَسْلِبْ الْحِلْم مِنْ عَقْل الحليم الرّشِيْد

يَا زِمَانْ الْفِتَنْ تِشْبه بَنَاتْ الْحَرَامْ

وَيْن دَرْب السَّلامِهْ صَارْ صِبْحِكْ بِعِيْد

لَيْت من هُوْ يِطِبّ اللَّى يِزِيْد الضِّرَامْ

لَيْت من هُوْ يِشِبّ الشَّمْس فَجْرٍ وَلِيْد

وِاللِّيَالِيْ تِعَلِّمْ مِنْ عِيُوْنِهْ غمَامْ

ان بَعْض اللِّيَالِيْ بَيْن وَعْد وْ وَعِيْد

يَا مْعَنِّيْ حمَامْ الرُّوْح خَلّ الحمَامْ

خَلِّهْ يْطِيْر فِيْ ثَغْر الصّبَاحْ السّعيد

لاَ يِهِمِّكْ غِرَابْ الْبَيْن دَاعِيْ الْخِصَامْ

إِزْرَعْ الْبِيْد مَجْد وْعِيْد عَهْد الرّشِيْد

مِثِلْ (زَايِدْ) فِقِيْد النَّاسْ عَذْب الْكَلاَمْ

لَى زَرَعْنَا قِصَايِدْ أجْمَلْ مْن الْقِصِيْد