لَنْ تِنْحِنِيْ رُوْس القروم الرِّجَالِيْ

إِلاَّ لوالي الْعَرْش قَصَّافْ الاجال

لاَ لاَ ولاََ نِرْكَعْ لغَيْره اذْلاَلِيْ

مَا دَامْنا فِيْ رَاحَةْ الأرْض نِزَّالْ

الأمّهْ اللَّى قَدِّمَتْ كِلّ غَالِيْ

وْمَازَالْ نَبْع الْخَيْر يِنْبَعْ وْ لاَزَالْ

تِقَدِّمْ أرْوَاح ٍ تِحِبّ الْمَعَالِيْ

فِدَا وِطَنْ مِنْ مَشِّطَنْ سِمْر اْلَقْذَالْ

أشْرَفْ تِوَارِيْخ الْعِصُوْر الْخِوَالِيْ

اللَّى بِدَمّ شْهِيْدها حِبْرَهَا سَالْ

تِحِيِّتِيْ لْرُوْح الشَّهِيْد الْمِثَالِيْ

وَقْفَةْ شَرَفْ لِصْدُوْرنا قَدْرَهَا عَالْ

رُوْحه لنا اراده بقُوّ الْجِبَالِيْ

هُوْ الضّمِيْر الْحَيّ فِيْ صْدُوْر الاجْيَالْ

هُو السِّفَرْ فِيْ مِظْلِمَاتْ اللِّيَالِيْ

هذا طريق النُّوْر يِشْعَلْ بِهْ اشْعَالْ

فِدَا الْوِطَنْ تُوْهَبْ خِيَارْ الْعِيَالِيْ

تِحْيَا بِهْ أجْيَال ٍ وْتِحْيَا بِهْ آمَالْ

أمَّا نِوَاصِلْ دَرْبِنَا بِالنِّضَالِيْ

حَتَّى يِبِيْن الْحَقّ وِنْقِصّ الاغْلاَلْ

والاَّ تسود عَلَى الأسُوْد الثِّعَالِيْ

وِتْسُوْدِنا فِيْ تَالِيْ الْعِمِرْ جِهَّالْ