لِلصَّبر للطَّيِّبْ مِنْ أنْوَاعْ الْعَنَاء
به يَنْتِظِرْ حاجه تبين أوْ ما تبين
عَايِشْ عَلَى شْوَيَّةْ شِهِيْق مْن الْهَوَاء
وِالْقَلْب مَا يِقْوَى عَلَى كِثْر الحنين
وانا في صدري قَلْب يِتْمَنَّى وْيَشَاء
بِهْ طِيْبَةْ الْخَاطِرْ.. وْبِهْ نَبْرَةْ أنين
عِنْدِهْ جِمِيْع النَّاسْ فِيْ الدِّنْيَا سَوَاء
بَسْ يَنْقِصِهْ حِبٍ يكَمِّلْه.. وْيِزِيْن
كِنْت أرْتِجِيْ شَيّ بْكِثِيْر مْن الرّجَاء
وَاطْلِبْ مِنْ الله يَرْضِيْ الْقَلْب الحزين
أطْلِبْه وَاصْبِرْ.. عَلَّهْ يْكُوْن الْعَزَاء
أجْرٍ عظيم وْرَحْمَةْ الله المعين
قالوا لي ان الصَّبر له خير الجزاء
وآنا انْتِظَرْتِكْ عمر يا حِلْو السِّنِيْن
أنَا انْتِظَرْت الخير مِنْ رَبّ السَّمَاء
اللَّى رِزَقْنِيْ بِكْ جِزَاءْ الصَّابرين