مَبْسَمْ السِّكَّرْ

لاَ تَنْزِعِيْن السَّهم قَلْبِيْ رِضَى بِهْ

رِضَيْت بِآلامه.. وْفِيْ نَزْعه الْمَوْت

 

غَيْرِكْ يمِرّ الْقَلْب مَرّ السِّحَابِهْ

وْمَا غَيْرِكْ انْتِيْ يِفْتَحْ الْقَلْب وِيْفُوْت

 

يَا عَذْبِةٍ يَا رِقِّةٍ يَا صبَابِهْ

يَا مَبْسَمْ السِّكّرْ وْ يَا جَنَّةْ التُّوْت

 

يَا فَرْحةٍ تَجْلِيْ هِمُوْم وْكَآبِهْ

رِدّي لِيْ الْفَرْحه قَبِلْ سَاعَةْ الْفَوْت

 

عِقْبِكْ أنَا رُوْحِيْ تجِرّ الرّبابه

حَزِيْنِةٍ تَبْكِيْ عَلَى نَاعِمْ الصَّوْت

 

بَيْت الْعَنَا بَيْتِيْ وْمَقْفُوْل بَابه

آجَالِدْ الأيَّامْ وِالْوَقْت تَابُوْت

 

هذا أثَرْ جَرْحِكْ وْهذا عَذَابه

وِهْنَاكْ أسْمِكْ بَيْن الاضْلاَعْ مَنْحُوْت

 

لا تَنْزِعِيْن السَّهم قَلْبِيْ رِضَى به

مِنْ يَوْم مَا شِفْتِكْ إلَى سَكْرَةْ الْمَوْت