صَخَبْ لكنّ مَا فِيْه.. ابتسامه..!!
مدينه حَيِّهْ بْلا اي غمامه
وْعَالَمْ خَاوِيْ مْن الرُّوْح لكن
يعيش بْصَخْب يَا عُوْد الثِّمَامه
أوْ انِّيْ اللَّى أشُوْف النَّاس تِهْوَى
وَانَا الْهَاوِيْ عَلَى خَدِّيْ عَلامه
وْبَسْمَاتْ الْبِشَرْ بْلا مَعَانِيْ
تِمِطّ شْفَاتها مَطّ الْبَلامه..!
مدينه كل ابوها الْيَوْم مِنْهَكْ
لكنّ تْقَاوِمْ لْيَوْم الْقِيَامه
وْنَاسْ ظْلاَلها تِعْبَتْ تِلاَحِقْ
خطاهم بَسّ يا الله السَّلامه
شِكَا ظِلّ الْمِسَافِرْ فِيْ نَهَاره
وِسِطْ ذِيْك الْبِلادْ وْفِيْ هِيَامه
أنِيْق وْكِلّ شَي ٍ فِيْه يِصْرَخ
وْسَامِتْ..!! كِلّ شَيٍ فِيْه سَامه..!!
ْ
غِفَا لكنّ هُوْ بِالأصِلْ صَاحِيْ
وْصَاحِيْ لكن احْسَاسه إمَامه
شعورك وِانْت تِحْلَمْ وِانْت صَاحِيْ
مِثِلْ نَوْمِكْ بَلا حِلْم ٍ تِنَامه