الأطْلاَلْ

جِيْت دَارْ بْهَا سِكَنْ وِدِّيْ

وَرَيْت لَى بَاقِيْ مِنْ أطْلالِهْ

رَيْت بَسّ الرَّسِمْ وِالْعِدِّيْ

مَوْرِدٍ يَسْكِنْ عَلَى يَالِهْ

رَسِمْ فِيْ الْيَابِيْ وْاْلِمْعَدِّيْ

فِيْ صِدِيْرٍ عِفْي مِيْدَالِهْ

أنْشِدْ الدِّيْرِهْ وْلا تْرِدِّيْ

وَيْن يَا اللَّى يَفْرِحْ قْبَاله

وَاتَخَبَّرْ وِدِّيْ بْحَدِّي

عَنْ مَنَازِلْ خِلِّيْ آسَالِهْ

ْ

وَيْن قَادْ ظْعُوْنِهْ وْشَدِّيْ

وِيْن مِقْصَادٍ تَعَنَّى لِهْ

عِفْيَتْ رْسُوْمه عَنْ الْعِدِّيْ

وِالذِّوَارِيْ تِلْفَحْ بْيَالِهْ

عِقْب نَيْم (سْهَيْل) مِتْبَدِّيْ

الْيَوَازِيْ تدهل رْمَالِهْ

وِالزَّهَرْ بَاطْرَافه مْسَدِّيْ

كِلّ عُوْدٍ تَطْرِبْ أشْكَاله

صاحِبٍ وِدِّهْ مَلَكْ سَدِّيْ

إمْلِكِهْ وِتْمَسْكَنْ بْحَالِهْ

كادني صَبْرِيْ غِدَا ضِدِّيْ

خاطري يَا (سْعِيْد) يِرْثَى لِهْ

فِيْ غَلاه أفْكارِيْ تْعَدِّي

عَنْ طموح العقل وِهْبَالِهْْ