أنْمَاطْ السَّاحَةْ

ت + ت - الحجم الطبيعي

مِنْ مِنْطَلَقْ يِبْقَى الْقِوِيْ.. هذي البدايه وِالأخِيْر

فِكْرٍ هِدَمْ (لَوْبِيْ الضِّعُوْف) اللَّى تِصَفِّقْ شِلِّتِهْ

وْبَوْحِيْ عَلَى قَصْرٍ تِبَسَّمْ رِدْهِتِهْ زَلّ وْحرير

بَاجَغْرِفْ دْقَاقه تِمَيِّزْ لَيْن اوَصِّلْ جِلِّتِهْ

وَانَا وْلِلّه الثَّنا مِيْسِرْ وْفِيْ عَيْنِيْ خطير

يحِقّ لي وَانا اسْتِحِقّ مْن التِّجُوْرِيْ غِلِّتِهْ

عُوْص الْمَعَانِيْ بِرِّكَتْ وِاللَّى نَبِيْ قِلْنَا يصير

مَا دَامْ رُوَّادْ التِّفَرِّدْ كِلّ هَزْلٍ خَلِّتِهْ

وَانَا عَلَى (مِسْتَفْعِلِنْ) تَابَعْت (أبِيْ سَلْمَى زِهَيْر)

مِنْ كِثِرْ مَا اقْرَا فِيْ (الْفَصِيْح) اللَّى تِجَدَّدْ حِلِّتِهْ

وِانْ عَوِّدَوْا لِـ(الشَّعْبِيْ) المألوف عِشَّاقْ المثير

انا انتمائي مَدْرَسَةْ (فَزَّاعْ).. وْطِيْب اجْبِلِّتِهْ

مِنّهْ خِذَيْنَا الْحَبْك وِالسَّبْك الْمُغَلَّفْ بالكثير

يكفي الجزاله راس رِجْم الذَّايقه مِحْتَلِّتِهْ

وْيا حِبِّنِيْ لِلَّى غِنِيْ شِعْرٍ وْلاَ احَقْر الفقير

واللَّى فَرَضْ قافِيّتِهْ يَلْوِيْ الرِّقَابْ بْطَلِّتِهْ

(شَاعِرْ) وْ(مِسْتَشْعِرْ) وْ(عَالَةْ شِعْر) قَصَّادْ وْضرير

أنْمَاطْ فِيْ السَّاحه وْكِلٍ مِعْطِيَاتِهْ تَلِّتِهْ

كِلٍ يقول أنَا جِمَلْ والْفَرْق مِنْقَطْع النِّظِيْر

أحْدٍ ما شَلّ الْحِمْل وَاحْدٍ شَلّ مِجْمَلْ حَمْلِتِهْ

Email