00
إكسبو 2020 دبي اليوم

النَّبْض الرَّاقِيْ

ت + ت - الحجم الطبيعي

يَا فَارِعْ الطُّوْل رُوْف شْوَيّ وِتْجَمَّلْ

وِشْ فِيْك شَايِفْ عَلَيْنَا يَا الْغِضِيْ حَالِكْ..؟!

بَسِّكْ دَلَعْ مَا يِرُوْم الْقَلْبِ يِتْحَمَّلْ

يَا الْفَاتِنْ اللَّى فِتَنْت بْحِسْنِكْ ظْلاَلِكْ..!

يَا أجْمَلْ اللَّى مِنْ الله جَانِيْ مْجَمَّلْ

مَا يِشْبَهِكْ حَدّ لانِّهْ مَا بِهْ أمْثَالِكْ

غَيْرِكْ بِقَلْبِيْ يا بَعْد عْيُوْنِيْ مْهَمَّلْ

وْفِيْ خَافِقِيْ يَا غَلا نَبْضَاتِهْ لْحَالِكْ

لَوْ شِفْتِنِيْ شَارِدْ النَّظْرَاتْ وَاتْأَمَّلْ

أقُوْل يَا حَظّ مَنْ يِشْتَاقْ لِكْ جَا لِكْ

آيَمِّنْ جْدَاكْ لَوْ دَرْب الْفَرَحْ شَمَّلْ

وِيْعَيِّدْ الشَّوْق كِلْ مَا بَيَّنْ هْلاَلِكْ

عَ وَصْلِكْ وْقِرْبِكْ الإحْسَاسْ بِيْ صَمَّلْ

وَالله مَا هَمِّنِيْ شِـ.. تْقُوْل فِيْ بَالِكْ

لَوْ طَاحْ قَلْبِيْ بِدَرْبِكْ.. إمْشِيْ وْكَمِّلْلاَ تَنْزِلْ لْشَيّ خَلّ النَّبْض يِرْقَى لِكْ

طباعة Email