فَيْض السِّرِيْرة

ت + ت - الحجم الطبيعي

عِبَرْ عَنِّيْ عِتَادِيْ والذّخيره

وتالي اللَّيل صَلَّيْت (استخاره)

أخَلِّيْ القَلْب يِرْجَعْ عَنْ مِسِيْره

أوْ أرْمي بِهْ كذا في وِسْط غَاره

أنا بي حال لى ما رَدّ طَيْره

عِقُبْ ما هَدّ.. عَنْه أخْلَفْ مِسَاره!!

حَلَفْ ما حَطّ عَ ايْده طَيْر غَيْره

إذا مَا رَدّ له خَلَّى الصِّقَاره

مِشَى يِتْبَعْه مَا وَافَقْ شِوِيْرِه

ودَرْبه مُوْحِش ٍ هَايِجْ غباره

مِشَاه.. وْكان يِجْهَلْ وِشْ مِصِيْره

وْلا تْوَقَّعْ يِضَيِّعْ دَرْب داره!

وِقَعْت وْوَقْعِتِيْ ما هي صِغِيْره

وهذي النَّارْ مَبْداها شَرَاره

كِتَمْت.. وْفَاضْ مَكْنُوْن السِّرِيْرِهْ

وْعَسَى الأيَّامْ تَعْطِيْنِيْ بِشَاره

Email