قَهْوَة صَبَاحِيِّةْ

عَلِّمُوْا مَضْنُوْن عَيْنِيْ عَنْ جِدِيْد أخْبَارِيْ

إنْ بَغَى يِشْمَتْ بحالي وِانْ بَغَى يَاِويْ لِيْ

وحَلِّفُوْا قَهْوَةْ صباحه لا تِبِيْح أسْرَارِيْ

إنْ رِشَفْ مِنْها (جِغَيْمِهْ) وِارْتوَى مَنْدِيْلِيْ

طَمِّنُوْا قَلْبه وْقَلْبه هُوْ مِضَنَّةْ دَارِيْ

هُوْ ضِوَاحِكْ عِطْر صِبْحِيْ.. هُوْ دِفَاوَةْ لَيْلِيْ

كِلّ مَا يَمَّمْت يمّه.. وِابْتِدَا مِشْوَارِيْ

تَبْسِمْ الدِّنْيَا بِعَيْنِيْ.. وِيْتِبَارَدْ حَيْلِيْ

أغْيَدٍ كَنّ الْبَرَارِيْ فِيْ يِدَيْه سْوَارِيْ

أهْيَفٍ كَنّ الْغِمَاِيمْ فِيْ يَدِهْ قِنْدِيْلِيْ

لاعِبٍ في حِسْبَةْ أهْلِيْ رَافِع ٍ مِقْدَارِيْ

قَارِيٍ تَوْرَاةْ صَبْرِيْ، كَاِفرٍ بانْجِيْلِيْ

أوَّلاً هُوْ ثَلْج عِمْرِيْ.. ثَانِيَاً هُوْ نَارِيْ

ثَاِلَثاً هُوْ نُوْر عَيْنِيْ.. رَابِعَاً يَا وَيْلِيْ..!!